Oharrak:

  • Asis Sarearen ezaugarri nagusiena da irekia izan nahi duela eta bere asmoa biderkatzea. Irekitasun hau sarean parte hartzen dugun bakoitzari egitea dagokigu. Guztiok biderka dezakegu Asis Sarea, hilero-hilero Gutun hau jasotzera edo hileroko azken ostegunetan 19.30ean, ohiko lekuetan, ospatzen dugun otoitzaldian parte hartzera nor gonbida dezakegun pentsatuz.
  • Asis Sareari buruzko informazioa hartu nahi izanez gero, edo gutun hau hilero hartzeko izen emateko, deitu 646-214896 telefono zenbakira edo bidali mezua asissarea@arantzazu.org helbide elektronikora.

 

Hilabete honetako gutuna

2021ko maiatza  151. zenbakia

3. printzipioa. Eguneroko bizimodua: kanporantz, elkartasuna

151. gutuna

Ziren eta zeukatena eman duten pertsona eskuzabal asko gehiago ematerik ezin duten puntura iristen dira. Arrazoiei buruz galdetuz gero, laguntzeaz nekatu direla erantzuten dute. Ez dira salbuespenezko kasuak, guztioi iristen baitzaigu nekearen ordua, eskuzabalak izan arren.