Sail honetan eskaintzen dizkizuegun irakurgaiek lagun diezazuekete apaltasuna benetan zer den ulertzen: ikuspuntu integratzaile eta eraikitzaile batetik ikusitako apaltasuna, alegia, bai geure buruari begira, bai besteei eta Jainkoari begira.

Una espiritualidad desde abajo. El diálogo con Dios desde el fondo de la persona. Anselm Grun y Meinrad Dufner. Narcea.

Liburu honetan autorea, nor bakoitzaren errealitatetik eraikitako espiritualitatearen alde jartzen da, giza ahalmenak ahitzen eta hersten diren unean Jainkoarekin harreman pertsonala izatera irekitzetik.

Evangelizar lo profundo del corazón. Aceptar los límites y curar las heridas. Simona Pacot. Narcea.

Liburu honek bai gure errealitate psikologikoa eta bai gure bizitza espirituala bateragarri egitearen garrantziaz jabetzera gonbidatzen gaitu, errealitate horiek gure bizitzan eta fede-bidean hazten lagun diezaguten.

Ni santo ni mediocre. Ideal cristiano y condición humana. Javier Garrido. Verbo Divino.

Bizikizun estilo batean zehar eta gogoeta laburren bidez, autoreak funtsezko gaiari heltzen dio: zein harreman dagoen kristau idealaren eta giza izaeraren artean, desira eta errealitatearen artean, baldintzarik gabe emana bizitzearen eta egozentrismoaren artean.

Nuestra cara oculta. Integración de la sombra y unificación personal. Enrique Martínez Lozano. Narcea.

Autoreak geure alde ilunarekin lan egiteko proposamena egiten digu, alde ilun hori kontzienteki, buru-argitasunez eta apaltasunez integratu ahal izateko. Eginkizun espiritual galanta, horixe.

Vivir y convivir. Cuatro aprendizajes básicos. Una búsqueda de lo humano para encontrarnos en lo universal. Jonan Fernández. Alianza Editorial.

Liburu honek lau funtsezko ikaskizun eskaintzen dizkigu. Beroriek izan dakizkiguke baliagarri bai geure buruarentzat geure existentziaren nondik-norakoaren bilaketan; bai eta gizarteari begira ere, espezifikoena eta unibertsalki humanoa den hartan elkartze eta bizikidetza gune bat bilatzeko.

 Disfrutar de una vida sencilla. Vivir bien sin renunciar a lo realmente importante. Elaine St. James. Integral.

Bere esperientzia pertsonalean oinarriturik, autoreak ideia iradokitzaile andana aurkezten du geure bizitza sinplifikatzeko, horrela gai gerta gaitezen aukera egiteko, gauza txikiez gozatzeko eta, besteak beste, beharrezko dena alferrikakotik bereizteko.